Umhverfisstefna  Kölku – Sorpeyðingarstöðvar Suðurnesja sf.  

Stjórn Sorpeyðingarstöðvar Suðurnesja sf. samþykkir að setja fram eftirfarandi umhverfisstefnu:  

• Að vinna undir kjörorðinu “við vinnum með umhverfinu”
• Að aðstaða starfsmanna og umhverfi sé til fyrirmyndar hverju sinni.
• Að leitast við að efla umhverfisvitund starfsmanna og almennings.
• Að vera öðrum til fyrirmyndar og eftirbreytni í umgengni við umhverfið.
• Að starfseminni sé ávallt hagað þannig að hún uppfylli ákvæði laga, reglugerða og starfsleyfis um meðferð og förgun úrgangs.
• Að kynna fyrir viðskiptavinum og íbúum svæðisins gildi sorpflokkunar, endurvinnslu og endurnýtingu sorps. Að fylgjast með almennri þróun á sviði úrgangsmála og beita þeirri tækni sem hefur minnst áhrif á umhverfið að teknu tilliti til hagkvæmni.
• Að lágmarka úrgang til urðunar.
• Að kynna verktökum sem Kalka er í samvinnu við umhverfisstefnu fyrirtækisins með áherslu á umgengni við umhverfið.
• Að umhverfisstefna verði hluti af gæðahandbók fyrirtækisins.  

  

Samþykkt í apríl 2005