Söfnun á matarleifum á Suðurnesjum árið 2024 gekk vonum framar en það ár söfnuðust 935 tonn af matarleifum
Af því tilefni hefur Kalka sf. fengið frá Gaju moltu og dreift áfram til Reykjanesbæjar,Sveitarfélagsins Voga og Suðurnesjabæjar en þar gefst íbúum tækifæri að sækja sér moltu
Upplýsingar um hvar hægt er að nálgast moltuna fæst hjá því Sveitarfélagi sem nálgast á moltuna í
Í hlekknum hér að neðan má nálgast allar nauðsýnlegar upplýsingar um moltuna
GAJA moltan er ætluð til notkunar utanhúss, en hún hentar einkar vel til notkunar á lóðir, græn svæði í þéttbýli, beð og matjurtagarða. Mikilvægt er að hafa í huga að moltan er mjög sterk og ekki æskilegt að hún sé notuð óblönduð. Rætur plantna eru sérstaklega viðkvæmar fyrir snertingu við óblandaða moltu.
Þeim íbúum sem ætla að nálgast moltu er bent á að hafa meðferðis ílát undir hana, til dæmis fötur eða fjölnota poka.
En hvað er molta?
Molta er öflugur og hollur jarðvegsbætir sem nærir jarðveginn. Molta er ólík mold að því leiti að hún inniheldur ekki nein ólífræn efni, eins og sand eða möl, eins og moldin gerir. Molta inniheldur kolefni, köfnunarefni, fosfór og kalín, sem eru mikilvæg nærandi efni fyrir jarðveginn. Hún er rík af örveruflóru og m.a. þess vegna stuðlar hún að heilbrigðari jarðvegi og eykur hæfni hans til að binda kolefni, þannig leikur molta lykilhlutverk í að viðhalda heilbrigðu vistkerfi.
