Aðalfundir
Dagskrá:
1. Fundarsetning
2. Kosning fundarstjóra og fundarritara
3. Skýrsla stjórnar, Önundur Jónasson, stjórnarformaður og Steinþór Þórðarsson,
framkvæmdastjóri.
4. Reikningar félagsins árið 2024, Kristján Þór Ragnarsson löggiltur endurskoðandi félagsins.
5. Umræður um skýrslu stjórnar og ársreikning.
6. Kosning löggilts endurskoðanda
7. Tillögur um breytingar á samþykktum félagsins
8. Tillaga um þóknun til stjórnarmanna
9. Önnur mál.
1. Fundarsetning
Önundur Jónasson, formaður stjórnar, setti fundinn kl. 15:05 og bauð fundarmenn velkomna.
2. Kosning fundarstjóra og fundarritara
Önundur lagði til að Guðný Birna Guðmundsdóttir forseti bæjarstjórnar Reykjanesbæjar yrði kjörinn
fundarstjóri og Halldór Eiríksson skrifstofustjóri yrði kjörinn ritari var það samþykkt samhljóða.
Guðný Birna tilkynnti að mættir væru fulltrúar allra eignaraðila og að fundurinn hafi verið löglega
boðaður. Engar athugasemdir komu fram.
3. Skýrsla stjórnar, Önundur Jónasson, stjórnarformaður og Steinþór Þórðarson,
framkvæmdastjóri.
Önundur Jónasson, stjórnarformaður og Steinþór Þórðarson, framkvæmdastjóri fluttu skýrslu fyrir
árið 2024.
Önundur bauð alla velkomna á 47. aðalfund Kölku flutti skýrslu stjórnar, fór yfir starfsárið og helstu
verkefni sem stjórn hefur unnað að á sl. ári:
„Líkt og síðastliðin ár hefur megináhersla stjórnar verið á umhverfismál, aukna endurnýtingu
ásamt ábyrga meðhöndlun og förgun úrgangs. Þjónusta við íbúa og eigendur Kölku er höfð að
leiðarljósi með það að markmiði að bjóða uppá sem besta þjónustu við viðskiptavini sem og
tryggja jákvæða rekstrarafkomu félagsins.
Grenndarstöðvar eru hluti af heildarlausn í sorphirðu þar sem söfnun á þeim flokkum sem ekki
er safnað í tunnur á heimilum er safnað auk annara flokka. Nýting grenndarstöðva hefur aukast
jafnt og þétt, frá því þær fyrstu voru settar upp seinnihluta árs 2021, þeirri aukningu hefur verið
mætt með fjölgun gáma fyrir þá flokka sem mest hefur safnast í á grenndarstöðvum. Nú er í
gangi útboð á þjónustu þeirra 9 grenndarstöðva sem Kalka hefur umsjón með, í útboðsgögnum
er þó gert ráð fyrir að grenndarstöðvum kunni að fjölga á samningstímabilinu þar sem
sveitarfélög í þjónustu Kölku ráðgera að fjölga grenndarstöðvum og auka þéttni þeirra.
Breyting verður á tegund og stærð gáma, þar sem gámar verða stækkaðir fyrir þá flokka sem
krefjast mests rúmmáls, 8m3 framhlaðningsgámar koma í stað þeirra 5m3 gáma sem nú eru
fyrir pappa og plast sem og hluti af þeirri þjónustu sem hingað til hefur verið á vegum
þjónustuaðila færist til Kölku. Áform eru um að auka þjónustu á grenndarstöðvum með fjölgun
flokka svo sem fyrir fatnað og annan textíl, o.fl. Umhverfisstefna Kölku er í tekin til
endurskoðunar reglulega. Í því samhengi voru lykilstarfsmenn Kölku fengnir til að rýna í
daglegrastarfsemi með tilliti til umhverfisstefnu og markmiða. Niðurstaða þeirra vinnu sýnir að
daglegur rekstur endurspegli þau markmið sem fram koma í umhverfisstefnu og sjá má
verulegan árangur í úrgangsmeðhöndlun samanber grænu bókhaldi Kölku. Má þar nefna
markvissa vinnu við að finna nýja farvegi fyrir efni ofar í virðiskeðju hringrásarhagkerfisins, sem
hefur skilað sér í aukinni rýmd í brennslunni til brennslu efna sem ekki eru hæf til annars en
brennslu og eru í flestum tilfellum vel borgandi efni.
Sem hluti af aukinni fræðslu og upplýsingagjöf til viðskiptavina samkvæmt stefnu Kölku er
stöðugt unnið að aukinni upplýsingagjöf á vefsíðu Kölku og samfélagsmiðlum. Má þar nefna
tilkynningar um raskanir á sorphirðu, ítarlegar upplýsingar um flokkun og upplýsingar um
flokkunarhlutföll úr tunnum við heimili sem uppfærðar reglulega. Þrátt fyrir aukna fræðslu og
upplýsingagjöf er hægari árangur í aukinni flokkun frá heimilum en vonast hefur verið til, þó
hafa komið tímabil, breytileg á milli sveitafélaga þar sem hækkun á endurvinnsluefnum hefur
verið nokkur. Í umhverfismarkmiðum Kölku er skilgreint markmið í flokkun frá heimilum, þar
sem markmiðið er að 30% úrgangs náist í söfnun lífræns úrgangs og 30% á endurvinnsluefnum
(pappír, pappi og plast).
Afleiðingar náttúruhamfara í Grindavík hafa haft áhrif á starfsemi Kölku á margvíslegan hátt,
þar má nefna breytingu á þjónustu frá þjónustuaðilum, efnisstrauma heimilissorps,
tímabundna og breytilega þörf á gámaplani Kölku í Grindavík, o.fl. Þær breytingar hafa haft í
för með sér þörf til að finna aðrar leiðir til að tryggja efni til brennslu. Hafði þetta áhrif á
heildarbrennslu 2024 þar sem sveiflur í brennslu voru nokkar vegna efnisskorts, stjórnendur
hafa gert viðeigandi ráðstafanir til að takmarka líkurnar á að efnisskortur hafi áhrif á brennslu.
Líkt og á fyrri árum er markmið stjórnar að halda hækkunum í lágmarki eins og hægt er,
gjaldskrár hafa tekið lítillegum breytingum en lögð hefur verið áhersla á að gjaldskrár hækki
ekki umfram vísitölu. Í upphafi árs 2025 var brennslugjaldskrá sveitarfélaga hækkaði um 4,6%,
almenn gjaldskrá um 5% hækkun.
Engar hækkanir voru gerðar á gjaldi fyrir einstaklinga sem koma á móttökustöðvar. Miðast
gjaldskrá við að aukin flokkun skili sér í lægri kostnaði til förgunar þar sem óflokkað efni er
dýrast. Þá er stöðugt verið að bæta aðstöðu til móttöku og auka flokkun með fjölgun íláta, og
fjölgun flokka á móttökuplani í Helguvík.
Þær breytingar sem hafa átt sér stað í úrgangsmmálum kalla á aukna meðhöndlun og flokkun
á efni sem berst til Kölku. Í núverandi mynd er það rými sem Kalka hefur til flokkunar, vinnslu
efnis og geymslu innandyra í Kölku svo gott sem fullnýtt. Í Því samhengi hafa ýmsar
uppbyggingarhugmyndir verið skoðaðar með tilliti til núverandi þarfa og framtíðaráætlana,
m.a. möguleikar við breytingar á núverandi húsnæði, byggingu nýs húsnæðis á athafnasvæði í
Helguvík, mismunandi sviðsmyndir á flokkunar- og vinnslurými ásamt geymsluhúsnæði fyrir
flugösku. Gert er ráð fyrir að endanleg þarfagreining og kostnaðaráætlun við byggingu nýs
húsnæðis liggi fyrir á næstu mánuðum.
Við áætlanagerð fyrir 2025 var áhersla lögð á áframhaldandi viðhald núverandi búnaðar og
endurnýjun auk frekari uppbyggingu innviða með áherslu á fjárfestingar við kaup á búnaði og
mikilvægi í fyrirbyggjandi viðhaldi stöðvarinnar til að takmarka ófyrirséð stopp vegna bilana
eins og kostur er og tryggja áframhaldandi gott ástand brennslunnar.
Áfram hefur verið unnið í greiningum á aukinni brennsluþörf og aðkallandi þörf á byggingu
nýrrar brennslustöðvar, mun Steinþór koma inná það í skýrslu framkvæmdastjóra.
Þrátt fyrir þær áskoranir sem nefndar hafa verið hefur rekstur félagsins hefur gengið vel, og
skilar reksturinn hagnaði eins og síðastliðin ár, Kristján Ragnarsson endurskoðandi Kölku, mun
fara yfir tölulegar upplýsingar úr rekstri síðasta árs hér á eftir. Hefur stefna stjórnar Kölku verið
að bæta eiginfjárhlutfall félagsins og létta skuldabyrði. Stefnt er að hækkun eiginfjárhlutfalls
um 3 prósentustig á milli ára en hækkunin á síðasta ári var töluvert umfram væntingar úr 54%
2023, er samkvæmt ársuppgjöri 2024, 61%.
Lausafjárstaða félagsins er áfram góð líkt og hefur verið síðustu ár, voru framkvæmdir og
fjárfestingar síðasta árs verið fjármagnaðar án lántöku.
Með tilliti til þessa er óhætt að fullyrða að staða sveitafélaganna á Suðurnesjum sé áfram góð
þegar kemur að því að uppfylla kröfur um meðhöndlun úrgangs, endurnýtingu og endurvinnslu.
Ég þakka fyrir mig.“
Guðný Birna bíður Steinþóri Þórðarsyni, framkvæmdastjóra að flytja sína skýrslu:
„Fundarstjóri góðir fundarmenn.
Öryggismál.
Síðasta ár var býsna gott ár í Kölku og það ekki síst út frá öryggissjónarmiði. Engin meiriháttar
slys urðu á fólki og engin tilkynningarskyld umhverfisatvik. Nokkrum verkefnum með bætt
öryggi að markmiði var lokið á síðasta ári.
Samskipti við Umhverfisstofnun voru með ágætum og eftir síðustu eftirlitsheimsókn komu
hvorki frávik eða ábendingar. Allt var eins og það átti að vera.
Reksturinn - Efnismagn
Þegar efnisstraumar síðasta árs eru skoðaðir eru nokkur atriði sem standa upp úr. Brennsla var
meiri en í meðallagi miðað við síðustu ár en óvenjumikið var haft fyrir öflun þess efnis.
Samkeppni við útflutning brennsluefnis er erfið þótt mun ódýrara sé að brenna hér en flytja út.
Við getum jú ekki boðið upp á brennslu til orkuvinnslu. Ef ekki hefði verið fyrir gott samstarf
við Sorpu, sem skiptir við okkur svo við fáum heppilegt efni til að brenna í Helguvík hefði
efnisskortur dregið mjög niður árangur brennslunnar. Þrátt fyrir þessa tregðu hafa líka verið að
koma sterkir straumar inn sem eru meginskýringin á góðri rekstrarniðurstöðu 2024. Brennsla
spilliefna var meiri en nokkru sinni fyrr og þá kom sér vel nýfengið samþykki
Umhverfisstofnunar fyrir 200 tonna viðbót við spilliefnaleyfið okkar. Töluvert barst af
dýraleifum og sláturúrgangi, ristarúrgangi og uppdælingarefni og þegar allt kom til alls varð
niðurstaðan býsna góð. Ef horft er á tölurnar almennt en ekki bara brennsluna er ánægjulegt
að sjá að sérsöfnun á lífrænu efni til gas- og jarðgerðar og söfnun á endurvinnsluefnum er að
skila sér. Meðan efnismagn sem fór til urðunar stóð nánast í stað milli ára vex hlutur
endurvinnslu og endurnýtingar. Það er almenn tilfinning þeirra sem starfa í úrgangsgeiranum
að með fjölgun hreinna flokka í söfnun batni flokkun fólks almennt. Þannig sjáum við vöxt í
söfnun á endurvinnsluefnum frá heimilum á sama tíma og matarleifarnar koma inn sem nýr
flokkur.
Við sem störfum í Kölku höfum þurft að venjast því að sjá stundum miklar framfarir í ákveðnum
efnisflokki en sjá samt ekki samanteknar tölur breytast að ráði. Við náum e.t.v. að bjarga fleiri
heilum vörubrettum svo munar mörgum tonnum en þegar horft er á heildartölur sér ekki högg
á vatni. „Molar eru líka brauð“ er máltæki sem við notum mikið og það hjálpar okkur að gleðjast
yfir litlu sigrunum. Þessi vegferð í átt til hringrásarhagkerfis gerist ekki bara í stórum stökkum.
Hænuskrefin eru líka mikilvæg. Það eru mörg hænuskref að baki fjölgunar hreinna flokka í
söfnun úr 12 í tæplega 40 frá árinu 2018. Allt skiptir þetta máli og það sem skiptir kannski mestu
máli er hugarfarsbreytingin sem er að eiga sér stað. Sú breyting að fólk axli almennt ábyrgð á
sínum úrgangi og geri sitt til að koma honum í besta mögulega farveg á hverjum tíma.
Viðhald og nýframkvæmdir:
Í fyrra var brennt í 344 sólarhringa en markmið Kölku er að brennsludagar séu ekki færri en 330
á ári. Brennslan var stöðvuð fjórum sinnum, tvisvar samkvæmt áætlun og tvisvar vegna
óvæntra bilana.
Ráðist var í margvíslegar endurbætur á stöðinni og annarri aðstöðu en ólíkt undanförnum árum
voru verkefnin fleiri en minni heldur en árin á undan.
Þjóðarbrennslan
Eins og ég nefndi áðan erum við komin á þann stað sem þjóð að við erum að flytja tugi þúsunda
tonna af úrgangi til útlanda og greiða fyrir það háar fjárhæðir. Það er enda eina úrræðið sem
við höfum til að draga úr urðun þar sem brennsluinnviði vantar.
Við rifjum það stundum upp í Kölku að hafa átt frumkvæði að umræðu um uppbyggingu
brennsluinnviða. Það skilaði sér í vinnu sem hefur staðið frá árinu 2020 með aðkomu Sorpu,
Umhverfis- og orku og loftslagsráðuneytisins, Sambandi íslenskra sveitarfélaga o.fl. Frá útgáfu
fyrstu skýrslunnar um málið hefur legið fyrir að kostnaður við brennslu til orkuvinnslu hér á
landi yrði umtalsvert lægri en útflutningurinn. Núna þegar orkuverð víða í Evrópu hafa lækkað
en hækkað umtalsvert hér á landi hefur grundvöllur íslenskrar sorporkustöðvar bara styrkst.
Hliðgjöld í brennslum erlendis hækka mjög um þessar mundir og það mun skila sér í hærri
verðum til almennings á Íslandi.
Við stjórnarslit og kosningar á síðasta ári urðu mannaskipti í Umhverfis- orku og
loftslagsráðuneytinu og það hefur tafið stofnun félags um undirbúning byggingar hér á landi.
Mikil undirbúningsvinna var unnin á síðasta ári svo nú liggja fyrir samþykktir og
hluthafasamkomulag fyrir undirbúningsfélag. Stjórn Kölku hefur samþykkt þáttöku okkar en til
viðbótar verða Sorpa og ráðuneytið hluthafar í byrjun. Þá hefur Sorpurðun Vesturlands lýst
áhuga sínum á að taka þátt frá byrjun. Ef fer sem horfir verður félagið stofnað innan fárra vikna.
Við í Kölku skipulögðum skoðunarferð til Finnlands í nóvember síðastliðnum og buðum
sveitarstjórnarfólki af Suðurnesjum. Hópurinn taldi um 25 manns og var tæpur helmingurinn
héðan af nesinu. Auk þess var sveitarstjórnarfólk af höfuðborgarsvæðinu, fulltrúar frá Sorpu,
Sorpurðun Vesturlands og Sambandi íslenskra sveitarfélaga. Skoðaðar voru tvær nýlegar
brennslur af þeirri stærðargráðu sem myndi henta hér. Í stuttu máli þá voru viðbrögð gestanna
góð. Ásýnd stöðvanna, hreinlæti, lykt o.fl. reisti engin varúðarflögg. Þvert á móti þóttu þetta
áhugaverð fyrirtæki með yfirbragð orkuvers mun frekar en sorpbrennslu.
Við í Kölku höldum því líka ávallt til haga að þótt ný brennsla kæmi til sögunnar gæti Kalka
haldið gildi sínu og verið ómissandi hluti af heildarmyndinni. Kalka hentar til að takast á við
ýmis efni sem ekki eiga erindi í brennslu af því taginu sem líklegast er að rísi hér. Verði
brennslan byggð hér á Helguvíkur/Bergvíkursvæðinu skapast samlegðartækifæri sem verða
mjög mikilvæg fyrir báða aðila.
Afkoman
Eins og ársreikningur félagsins ber með sér að þá skilaði Kalka góðum rekstrarafgangi á síðasta
ári. Endurskoðandi og stjórnarformaður reifa það betur. Hægt var að fjármagna viðhald og
endurbætur með fjármunum frá rekstri, án nýrrar lántöku og greitt var inn á höfuðstól lána. Á
síðasta ári hófst undirbúningur að nýbyggingu geymslu og þjónustuhúss á athafnasvæði Kölku.
Við teljum að lengra verði varla komist í þróun flokkunar og sérsöfnunar hreinna strauma án
þess að styrkja aðstöðuna. Stjórn Kölku samþykkti nýverið að ráða verkfræðistofu til að ljúka
þarfagreiningu og kostnaðaráætlun. Hugmyndin er að vinna þetta hratt og koma byggingunni
á framkvæmdastig á þessu ári. Það er því afar heppilegt að Kalka hafi handbært fé núna og
þurfi ekki að taka lán fyrir breytingum. Fyrstu skoti á verð fyrir bygginguna eru 255 – 300
milljónir.
Gjaldskrárhækkanir síðustu ára hafa verið talsvert undir kostnaðarhækkunum á þeim liðum
sem snerta sveitarfélögin og reyndar að mestu bara heilt yfir. Við gerð síðustu áætlunar voru
verð ýmist verðbætt fyrir hluta verðbólgu eða látin standa í stað.
Að lokum. Góð rekstrarniðurstaða er vissulega fagnaðarefni fyrir eigendur Kölku. Úrgangsmál
eru og verða málaflokkur í stöðugri þróun og kyrrstaða er ekki í boði. Við þurfum að geta byggt
upp og skapað íbúum gott og hagfellt umhverfi til að geta lagt sitt af mörkunum.
Mig langar að ljúka þessu með lítilli hugvekju. Við í Kölku heyrum reglulega þá sögu að allt
flokkaða efnið fari í eina hrúgu og svo í brennslu allt saman. Að flokkun og sérsöfnun sé
fíflagangur og fyrirhöfn fyrir íbúa sem engu skilar. Þessu er auðvelt að mótmæla. Þetta fær ekki
staðist. Allir aðilar í virðiskeðju úrgangs eiga hagsmuna að gæta með ábyrgri meðhöndlun. Það
eru allir að reyna að ýta meira efni upp þríhyrninginn, frá förgun til endurvinnslu og
endurnýtingar. Flokkun er forsendan fyrir því að hægt sé að beina úrgangi í þá bestu farvegi
sem fyrir hendi eru hverju sinni. Það getur enginn tryggt að plastpoki sem maður setur í
plasttunnuna verði í raun endurunninn en við getum treyst því að hann endi í þeirri bestu
meðhöndlun sem í boði er miðað við aðstæður. Innviðir til endurvinnslu eru stöðugt að
styrkjast þótt stundum séu markaðsa
aðstæður með þeim hætti að endurvinnanlegt efni fari í orkuvinnslu. Allt afturhvarf til fortíðar
færir okkur bara fjær markmiðunum sem við viljum ná. Þetta er langhlaup, ekki sprettur.
Missum ekki trúnna – sýnum ábyrgð áfram og hlustum ekki á tröllasögurnar um að „allt fari í
sömu hrúguna“.
Takk fyrir. „
Guðrún leggur til að umræður fari fram síðar á fundinum. Tillaga samþykkt.
4. Reikningar félagsins árið 2022, Kristján Ragnarsson löggiltur endurskoðandi félagsins.
Kristján Þór Ragnarsson löggiltur endurskoðandi hjá Deloitte kynnti ársreikning fyrirtækisins árið 2024.
Áritun var gerð án fyrirvara og telst ársreikningurinn gefa glögga mynd af rekstri.
Kristján fór yfir helstu tekju- og gjaldaliði, einstaka eignaliði og eiginfjárliði auk sjóðsstreymis.
Heildarrekstrartekjur jukust um 19,8% og námu um 1.371 mkr. en voru 1.144 mkr. árið 2023 einkum
vegna aukinna tekna í sorphirðu. Rekstrarhagnaður fyrir afskriftir og fjármagnsgjöld (EBITDA) nam
þannig rúmlega 327 mkr. en var tæplega 310 mkr. árið 2023. Heildarhagnaður ársins eftir afskriftir og
fjármagnsgjöld nam tæpum 204 mkr. en var tæpar 181 mkr. árið 2023. Í árslok 2024 námu heildareignir
félagsins 1.948 mkr. en skuldir og skuldbindingar námu 759 mkr.
Eigið fé er 1.189 mkr. og eiginfjárhlutfall félagsins er 61% samanborið 54% í árslok 2023.
5. Umræður um skýrslu stjórnar og ársreikning félagsins
Umræða fór fram um launakostnað og benti Margrét Sanders á að þar sem færri starfsmenn hafi verið
árið 2024 en árið áður sem nemur einu stöðugildi sé hækkun launa á milli ára í raun meiri en sem
nemur 4%. Kristján endurskoðandi benti á að það var eignfærður launakostnaður árið 2023 sem vegur
á móti.
Umræða tekinn um skráðan eignarhlut sveitarfélaganna. Eignarhlutinn er skráður skv. veltu
sveitarfélaganna. Skv. samþykktum Kölku á að skrá eignarhlut eftir tekjum af sveitarfélögunum. Í 2. gr
er sagt að fara eigi eftir fjölda íbúða í A hluta. Ef íbúafjöldinn í Grindavík eykst aftur mun eignarhluti
Grindavíkur hækka aftur. Ósamræmi á milli framlaga og fjölda íbúa skýrist af þessu.
Guðrún Ólafsdóttir bæjarstjóri Voga vildi taka til umræðu um hvort verið sé að skattleggja íbúa of mikið
í ljósi góðrar fjárhagsstöðu Kölku?
Önundur: Stutta svarið er að Kalka hefur fengið mikið hrós frá SS fyrir að viðhafa rauninnheimtu frá
heimilum og sá kostnaður sem hlýst af þeim endurspeglast í því sem greitt er fyrir. Eina sorpsamlagið
sem hefur verið með þetta upp á 10. Handbært fé kemur frá öðrum greiðandi straumum heldur en
sorphirðu við heimili. Með það að markmiði að koma öllum efnisstraumum í rétta átt hefur náðst að
taka inn betur borgandi efni heldur en að brenna t.d. almennu sorpi frá öðrum sveitarfélögum.
Með aukinni flokkun er meira pláss fyrir þessa nýju flokka.
Steinþór: Við áætlanagerð á hverju hausti rýnir stjórn áætlun Kölku og markmiðið er alltaf að innheimta
fyrir raunkostnaði en ekki innheimta frá sveitarfélögunum umfram það. Brennslutekjur frá öðrum en
sveitarfélögum jukust um 200 milljónir á milli ára. Brennsla spilliefna jókst um 200 tonn á milli ára og
þar að auki erum við að brenna meira um 1.000 tonnum meira en árið áður. Þetta eru meginskýringar
á hagnaðinum.
Upp kom spurning um sveiflur á milli ára í viðskiptakröfum þar sem þær voru mun hærri í lok árs 2023.
Kristján endurskoðandi svaraði því til að það sé algengt að sjóðsstreymi sveiflist til á milli ára.
Útistandandi viðskiptakröfur voru óvenju háar í lok árs 2023.
Að því loknu var ársreikningur Kölku sorpeyðingarstöðvar sf. fyrir árið 2024 borinn upp og samþykktur
samhljóða.
6. Kosning löggilts endurskoðanda
Tillaga er um að endurskoðunarfyrirtækið Deloitte verði endurskoðandi félagsins. Tillaga borin upp og
samþykkt samhljóða.
7. Tillögur um breytingar á samþykktum félagsins
Önundur kynnti tillögur til breytinga á samþykktum Kölku (sjá viðauka 1 og 2). Markmiðið með
breytingunum er að Kalka geti tekið að sér verkefni fyrir einstök eigendasveitarfélög fyrir utan
skiptingu kostnaðar og eignarhluta auk þess sem lögð var til nafnbreyting.
Önundur bar fram ósk um að allar breytingar væru bornar upp til samþykktar í einu.
Tillögurnar samþykktar með öllum greiddum atkvæðum.
8. Tillaga um þóknun til stjórnarmanna
Tillaga var borin upp að þóknun til formanns stjórnar og annara stjórnarmanna verið óbreytt. Tillagan
var samþykkt samhljóða.
9. Önnur mál.
Valgerður í Reykjanesbæ bar upp spurningu um textílmál: Óskaði eftir staðfestingu á að það séu að
koma gámar fyrir textíl á gámastöðvar. Spurði einnig um afsetningu á þessu efni.
Steinþór: Kalka er í samstarfi við Rauða Krossinn og mun kaupa gáma hjá þeim. Kalka hefur tvær leiðir
til að afsetja textíl gegn gjaldi. Vinna er í gangi við að koma textíl inn í úrvinnslugjalda kerfið og sýnin
hjá Kölku er að halda þessu flæði opnu þar til línur skýrast um fjármögnun frá úrvinnslugjöldum.
Önundur: Planið er að flokka í endurvinnanlegan og annan textíl.
Margrét Sanders hvatti til þess að almenningur verði upplýstur um lausnir sem fyrst hvort sem um er
að ræða skammtímalausn eða til lengri tíma.
Fundarstjóri sagði fundi slitið og ekki flera tekið fyrir. Þakkaði stjórnendum og starfsmönnum Kölku
fyrir góð störf fyrir félagið og fundargestum fyrir góðan fund.
Fleira var ekki gert og var fundi slitið u.þ.b. kl. 16:17.
Fundargerð samþykkt með undirritun.
VIÐAUKI 1: SAMANBURÐUR Á NÚVERANDI SAMÞYKKTUM OG TILLÖGUM AÐ NÝJUM.
|
Samþykktir kjörtímabils. Ef stjórnarmaður lætur af störfum áður Hver eignaraðili getur óskað eftir endurskoðun á
|
Samþykktir Eigendur bera saman óskipta ábyrgð á 3. Tilnefning í stjórn. (Á kosningaári til
|
VIÐAUKI 2: Samþykktir eftir breytingar á aðalfundi 10. apríl 2025.
Samþykktir
fyrir Kölku sf.
Nafn, lögheimili og tilgangur félagsins
1. gr.
Reykjanesbær kt. 470794-2169, Suðurnesjabær kt. 550518-1200, Grindavíkurbær kt. 580169-1559, og
Sveitarfélagið Vogar kt. 670269-2649 og eiga og reka saman sameignarfélag með ótakmarkaða ábyrgð undir
nafninu Kalka sf. kt. 531278-0469. Heimili þess og varnarþing er í Reykjanesbæ.
2. gr.
Tilgangur félagsins er að eiga og reka sorpeyðingarstöð, annast sorphirðu, sorpeyðingu og söfnun
endurvinnsluefna í sveitarfélögunum. Kalka getur einnig tekið að sér önnur verkefni sem sveitarfélögin kunna að
fela félaginu og varða úrgangs- og umhverfismál. Um starfsemina fer eins og kveðið er á um í lögum, reglugerðum
og samþykktum um sorphreinsun og sorpeyðingu á Suðurnesjum.
Ábyrgðir og hlutdeild eignaraðila
3. gr.
Kostnaði við rekstur og þróun félagsins, að frádregnum tekjum skal skipt milli eignaraðila í hlutfalli við íbúðafjölda
íhverju sveitarfélagi miðað við lok næstliðins árs. Með íbúðafjölda er átt við allar fasteignir sem bera
fasteignagjöld skv. A flokki.
4. gr.
Stjórn getur samþykkt að Kalka sf. taki að sér sérverkefni á sviði úrgangs- og umhverfismála fyrir eitt eða fleiri
eigendasveitarfélög. Í slíkum tilvikum skal bókfæra og gera upp kostnað og tekjur af þeim verkefnum sérstaklega.
Þá skal þess gætt í samningum við sveitarfélög að sérverkefni dragi ekki niður afkomu félagsins. Auk þess ættu
slík verkefni ekki að hafa áhrif á þá kostnaðarskiptingu sem lýst er í þriðju grein. Gera skal grein fyrir uppgjörum
vegna sérverkefna á aðalfundi.
5. gr.
Eignaraðild sveitarfélags er í réttu hlutfalli við framlag þess til rekstrar og eignabreytingarliða sbr. 3. gr. hér að
framan. Skrá skal eignarhlut sveitarfélags í ársreikning félagsins hverju sinni.
6. gr.
Eigendur bera saman óskipta ábyrgð á skuldbindingum félagsins en innbyrðis skiptist ábyrgðin sbr. 5. gr. hér að
framan.
Stjórn félagsins
7. gr.
Stjórn félagsins, sem annast málefni þess á milli funda, skal skipuð 5 mönnum og 5 til vara, sem tilnefndir eru af
sveitarstjórnum, tveir frá Reykjanesbæ, einn frá hverri hinna og jafnmargir til vara. Stjórnarmenn eru tilnefndir á
fyrsta aðalfundi félagsins eftir hverjar sveitarstjórnarkosningar til fjögurra ára, eða til enda kjörtímabils. Ef
stjórnarmaður lætur af störfum áður en kjörtímabili lýkur, tilnefnir viðkomandi sveitarstjórn nýjan fulltrúa í
stjórnina í hans stað. Í slíkum tilfellum þarf ekki að boða sérstaklega til félagsfundar. Stjórnin skiptir með sér
verkum eftir hvern aðalfund. Stjórninni er heimilt að ráða félaginu framkvæmdastjóra. Sé framkvæmdastjóri til
staðar, ræður hann aðra starfsmenn félagsins. Stjórnin veitir prókúruumboð fyrir félagið.
8. gr.
Stjórnin ræður málefnum félagsins milli funda en skylt er að kalla saman fund ef ein eða fleiri sveitarstjórnir óska
þess. Allar meiriháttar fjárskuldbindingar skulu leggjast fyrir sveitarstjórnirnar.
Aðalfundur og endurskoðunarákvæði
9. gr.
Aðalfund skal að jafnaði halda í aprílmánuði ár hvert, en síðar þau ár sem fram fara sveitarstjórnarkosningar.
Aðalfund skal boða bréflega eða með tölvupósti með minnst viku fyrirvara. Dagskrá aðalfundar skal fylgja með
fundarboði. Aðalfundur telst löglegur ef löglega er til hans boðað. Rétt til fundarsetu eiga allir kjörnir
sveitarstjórnarmenn á Suðurnesjum, framkvæmdastjórar sveitarfélaganna, framkvæmdastjóri og stjórnarmenn
félagsins og framkvæmdastjóri S.S.S. Atkvæðisrétt hafa þó einungis kjörnir sveitarstjórnarmenn.
Hverju sveitarfélagi er heimilt að óska eftir félagsfundi. Rétt til fundarsetu á félagsfundi hafa sömu aðilar og hafa
rétt til fundarsetu á aðalfundi.
Á aðalfundi skulu eftirtalin mál tekin fyrir:
1. Skýrsla stjórnar um liðið starfsár.
2. Reikningar félagsins fyrir liðið reikingsár skulu lagðir fram til lokaafgreiðslu. Þeir skulu vera
endurskoðaðir af löggiltum endurskoðanda.
3. Tilnefning í stjórn. (Á kosningaári til sveitarstjórna).
4. Kosning löggilts endurskoðanda.
5. Tillögur um breytingar á samþykktum félagsins enda hafi þeim verið dreift með fundarboði með a.m.k.
viku fyrirvara.
6. Tillaga um þóknun til stjórnarmanna.
7. Önnur mál er varða starfsemi félagsins.
10. gr.
Reikningsár félagsins skal vera almanaksárið. Stjórn félagsins skal fyrir 31. október ár hvert semja fjárhagsáætlun
og senda sveitarfélögunum og stjórn S.S.S. til upplýsingar.
11. gr.
Hver eignaraðili getur óskað eftir endurskoðun á samþykktum þessum.
Samþykktirnar eru með innfærðri breytingu sem samþykkt var á aðalfundi félagsins í Reykjanesbæ þann 10. apríl
2025.
Reykjanesbæ 10. apríl 2025
Undirritun bæjarstjóra fyrir hönd félagsmanna: