Fara í efni

Stjórnarfundir

509. fundur 16. desember 2019 kl. 16:30 - 18:50 Fundarsal Kölku að Berghólabraut 7
Nefndarmenn
  • Önundur Jónasson
  • Ásrún Helga Kristinsdóttir
  • Laufey Erlendsdóttir
  • Páll Orri Pálsson
  • Inga Rut Hlöðversdóttir
  • Steinþór Þórðarson
Fundargerð ritaði: Páll Orri Pálsson

509. fundur stjórnar Kölku sorpeyðingarstöðvar sf. haldinn mánudaginn 16. desember 2019 kl. 16:30 í fundarsal Kölku að Berghólabraut 7 í Reykjanesbæ.

Mætt eru: Önundur Jónasson, Laufey Erlendsdóttir, Inga Rut Hlöðversdóttir, Páll Orri Pálsson, Ásrún Helga Kristinsdóttir og Steinþór Þórðarson framkvæmdastjóri.

Önundur Jónasson formaður setti fundinn og bauð fundarmenn velkomna.

Dagskrá:

1. Heimsókn frá Terra – kynning á hugmyndum um grenndarstöðvar o.fl.

o Arngrímur Sverrisson rekstrarstjóri hjá Terra kom og kynnti hugmyndir fyrirtækisins um sorphirðu á Ásbrú með grenndarstöðvum í stað hefðbundinna sorphirðuíláta. Útfærsla Terra gæti átt heima víðar á starfssvæði Kölku en vaxandi áhugi er fyrir grenndarstöðvum einkum í Reykjanesbæ.

2. Skýrsla framkvæmdastjóra fyrir nóvember

o Framkvæmdastjóri stiklaði á stóru í rekstrinum frá síðasta stjórnarfundi. Öryggismál hafa meðal annars verið ofarlega á blaði og hefur verið unnið að undirbúningi aukins myndavélaeftirlits og/eða merkinga og aðgangsstýringa inn á athafnasvæði Kölku.

o Fram kom að Kalka og Terra munu á nýju ári endurtelja sorpílát á svæðinu.

o Framkvæmdastjóri gerði grein fyrir fundi með bæjarstjóra Reykjanesbæjar og sviðsstjóra umhverfissviðs í nóvember og greindi frá dagskrá og umræðum á umhverfisdegi bæjarins.

o Fram kom að flutningar á flugösku til Noregs, sem fyrirhugaðir voru núna í árslok, munu frestast framyfir áramót vegna aðstæðna hjá skipafélagi.

o Umhverfisstofnun kom og sinnti reglubundnu mengunarvarnaeftirliti í byrjun desember. Engar alvarlegar athugasemdir komu fram en ábendingar, einkum um geymslu á botnösku, kalla á viðbrögð stjórnenda Kölku.

o Fram kom að stefnt er að nýrri virkni í innvigtunarkerfi Kölku um áramót. Breytingunni á að fylgja talsverður vinnusparnaður.

o Eftirspurn eftir brennslu spilliefna hefur undanfarna mánuði verið talsvert umfram það sem stöðin annar. Framkvæmdastjóri og rekstrarstjóri hafa fundað með stjórnendum Efnamóttökunnar og leitar Kalka nú allra leiða til að koma til móts við þarfir viðskiptavina vegna spilliefna.

o Starfsmannahús á móttökuplaninu í Vogum er orðið afar lélegt og heldur hvorki vatni né vindum. Undirbúningur er hafinn að því að skipta því út.

3. Breytingar á opnunartíma og þjónustustigi í Helguvík

o Framkvæmdastjóri og rekstrarstjóri Kölku vinna nú að breytingum á opnunartíma móttökustöðvar í Helguvík. Vegna óviðráðanlegra aðstæðna verður nýr opnunartími miðaður við fyrsta febrúar en ekki áramót eins og upphaflega var stefnt að.

4. Umsókn um yfirdráttarheimild

o Stjórn Kölku samþykkir að sækja um nýja yfirdráttarheimild til Íslandsbanka upp á fimmtíu milljónir króna. Stjórnarformanni og varaformanni stjórnar er falið að ganga frá umsókn og undirrita öll gögn fyrir hönd stjórnarinnar.

5. Stefnuáherslur 2019 - yfirferð stefnu og aðkallandi verkefna, fyrsta yfirferð – forgangsmál á fyrri hluta árs 2020

6. Önnur mál

o Framkvæmdastjóra falið að undirbúa kynningarfund um það sem framundan er í starfsemi fyrirtækisins fyrir sveitarfélögin á Suðurnesjum. Stefnt er að halda fundinn í febrúar 2019.

o Næsti stjórnarfundur er áætlaður 7. janúar 2019 kl. 15:00.

Fleira ekki gert, fundi slitið kl. 18:50.

Önundur Jónasson
Ásrún Helga Kristinsdóttir
Laufey Erlendsdóttir
Páll Orri Pálsson
Inga Rut Hlöðversdóttir
Steinþór Þórðarson

509. fundur stjórnar Kölka sorpeyðingarstöðvar sf á PDF formi, hentugt til útprentunar

Hefur þú spurningu eða ábendingu varðandi efni vefsins?

Sendu okkur fyrirspurn