Stjórnarfundir
Fundur í stjórn Kölku sf var haldinn þriðjudaginn 8. desember 2020, kl. 16:30. Fundurinn var haldinn með fjarfundarsniði.
Mættir: Önundur Jónasson sem stýrði fundi, Ásrún Kristinsdóttir, Inga Rut Hlöðversdóttir, Laufey Erlendsdóttir, Páll Orri Pálsson sem ritaði fundargerð og Steinþór Þórðarson.
Dagskrá:
- Skýrsla framkvæmdastjóra.
- Stefnumótun stjórnar.
- Sala gömlu stöðvar Kölku.
- Framtíðarhorfur Kölku.
- Önnur mál.
- Skýrsla framkvæmdastjóra:
- Engin alvarleg öryggis- eða umhverfisatvik hafa orðið frá síðasta stjórnarfundi. Unnið hefur verið að atvikaskráningarkerfinu „Atvik“ og var sú vinna yfirfarin í öryggisnefnd í byrjun aðventu.
- Forföll í starfsmannahópi Kölku hafa verið með mesta móti að undanförnu. Er þar að hluta um að kenna Covid 19.
- Framkvæmdastjóri hefur lokið gerð starfslokastefnu og stefnu aðgerðaráætlunar í eineltis- og áreitnimálum. Stefnurnar voru lagðar fram til kynningar.
- Afköst í brennslu hafa verið meiri í nóvember 2020, borið saman við sama mánuð ári áður. Tvær bilanir komu upp í nóvember, önnur í brennslulínu og hin í vigt, sem vöruðu þó stutt.
- Unnið er að uppsetningu nýs vigtarkerfis.
- Unnið er að uppsetningu á nýjum vef og er fyrirhugað að hann fari í loftið 15. desember næstkomandi.
- Samantekt á móttöku á timbri á árinu var lokið fyrir skemmstu.
- Enn er unnið að könnun á fýsileika nýrrar flugöskugeymslu og markmiðið að fá botn í málið fyrir áramót.
- Stefnumótun stjórnar: Rætt var um hvernig Heimsmarkmið Sameinuðu þjóðanna koma inn í stefnumótun félagsins og áfram er unnið að stefnumótuninni.
- Sala gömlu stöðvar: Ekki hefur fundist leið til að ganga frá sölu á gömlu brennslustöðinni en það hefur verið til skoðunar frá því í júní. Eins og málum er háttað er ekki útlit fyrir annað en Kalka verði áfram eigandi stöðvarinnar og leigutaki lóðar.
- Framtíðarhorfur Kölku: Umræður fóru fram í stjórn um framtíðarhorfur Kölku.
- Önnur mál:
Fram komu ábendingar að fundargerðir stjórnar hafi ekki borist til sveitarfélaganna og framkvæmdastjóra var falið að laga það.
Fleira var ekki tekið fyrir á fundinum og honum slitið kl. 18.00.
Næsti fundur er áætlaður þriðjudaginn 12. janúar 2021.