Stjórnarfundir
Fundargerð – 529. stjórnarfundur Kölku
fundargerd-529.-stjornarfundur-kolku.docx
Fundur í stjórn Kölku sorpeyðingarstöðvar sf. var haldinn föstudaginn 8. október 2021, kl. 17:00.
Fundurinn var haldinn með fjarfundarsniði.
Mættir: Önundur Jónasson sem stýrði fundi, Ásrún Kristinsdóttir, Inga Rut Hlöðversdóttir, Laufey Erlendsdóttir, Páll Orri Pálsson sem ritaði fundargerð og Steinþór Þórðarson.
Dagskrá:
- Bankaábyrgð vegna útflutnings á flugösku:
Framkvæmdastjóri kynnti ákvörðun Noah A/S í Noregi um að segja upp gildandi samningi við Kölku sorpeyðingarstöð sf. um móttöku, meðhöndlun og förgun á flugösku frá sorpbrennslu Kölku í Reykjanesbæ. Uppsögnin tekur gildi um áramót en framkvæmdastjóri hefur samið við Noah að framlengja frest til að skila uppsafnaðri flugösku til 31. mars 2022.
Næsti flutningur á flugösku til Noregs var fyrirhugaður á vori komanda og undirbúningur þess ferlis var í þann mund að hefjast. Vegna aðvarana starfsmanna Noah um að leyfisveitingar norsku umhverfisstofnunarinnar taki lengri tíma en venjulega leggja stjórnendur Kölku allt kapp á að koma ferlinu af stað hið fyrsta.
Umsókn um leyfi til flutnings á öskunni skal fylgja bankaábyrgð til tryggingar fyrir umhverfisyfirvöld komi til óvænts kostnaðar, t.d. ef móttöku er hafnað. Samkvæmt reiknireglu Umhverfisstofnunar er því gert ráð fyrir bankaábyrgð upp á allt að 50 milljónum íslenskra króna.
Framkvæmdastjóri hefur þegar skilað umsókn til Íslandsbanka. Vegna ákvæða í samþykktum Kölku sorpeyðingarstöðvar sf. gerir framkvæmdastjóri eftirfarandi tillögu til stjórnar.
Stjórn Kölku sorpeyðingarstöðvar sf. styður umsókn framkvæmdastjóra um bankaábyrgð til Íslandsbanka vegna fyrirhugaðs flutnings á flugösku og undirritar fundargerð þessa því til staðfestingar.
Tillagan er samþykkt samhljóða og framkvæmdastjóra falið að koma fundargerðinni á framfæri við útibússtjóra Íslandsbanka í Reykjanesbæ, hið fyrsta.
Fleira var ekki tekið fyrir á fundinum og honum slitið kl. 17:15
Fundargerð samþykkt með tölvupóstum.