Stjórnarfundir

Fundur í stjórn Kölku sorpeyðingarstöðvar sf. var haldinn þriðjudaginn 8. april 2025 kl. 16:30 í
fundarsal Kölku.

Mættir: Önundur Jónasson, Ingþór Guðmundsson, Kristín Ragnheiður Eiríksdóttir, Svavar Grétarsson,
Eiður Ævarsson og Steinþór Þórðarson.

Aðrir: Kristján Ragnarsson, endurskoðandi Kölku.

Dagskrá:
1. Skýrsla framkvæmdastjóra
2. Endurskoðaður ársreikningur 2024 - áritun stjórnar
3. Aðalfundur 2025, samþykktir og dagskrá
4. Erindi frá Umhverfis- og framkvæmdasviði Reykjanesbæjar
5. Uppfærð persónuverndarstefna til yfirferðar og undirritunar stjórnar
6. Skipulagsbreyting.
7. Önnur mál.

2. Endurskoðaður ársreikningur 2024 - áritun stjórnar
Þessi dagskrárliður var tekinn fyrstur.
Kristján Ragnarsson, endurskoðandi Kölku fór yfir endurskoðaðan ársreikning. Kristján upplýsti um
eina tölulega breytingu frá seinasta fundi, þ.e. að laun og launatengd gjöld hafi hækkað, en það var
vegna breytinga á lífeyrisskuldbindingu.
Stjórn ræddi hvernig skrá ætti eignarhlutfall Grindavíkurbæjar. Hvort miða ætti við tekjur sem hafa
verið lægri eða fastanúmer. Kristján leggur til að nota það hlutfall sem miðar við tekjur, þ.e. 4,85%.
Stjórn samþykkti tillögur Kristjáns, samþykktu ársreikninginn og árituðu hann.

1. Skýrsla framkvæmdastjóra
Framkvæmdastjórinn fór yfir helstu atriði í rekstrinum frá síðasta stjórnarfundi. Framkvæmdastjóri
fór m.a. yfir öryggis- og starfsmannamál, brennsluna í mars, stöðu sláturúrgangs og dýraleifa eftir
fund með Matvælaráðuneytinu og Eflu, útboð grenndarstöðva, fundur með umhverfissviði RNB,
mengaður jarðvegur, fundur í samráðsvettvangi SV hornsins, bókhaldsgreiningar, gagnaskil til UOS
o.fl.

3. Aðalfundur 2025, samþykktir og dagskrá
Framkvæmdastjóri upplýsti að dagskráin væri hefðbundin. Varðandi samþykktabreytingar þá fékkst
ekki staðfesting frá öllum eigendum nægilega snemma fyrir hlutafélagaskrá í fyrra og er því lögð fyrir
sama breyting.

4. Erindi frá Umhverfis- og framkvæmdasviði Reykjanesbæjar
Framkvæmdastjóri fór yfir erindi umhverfis- og framkvæmdasviði Reykjanesbæjar. Stjórn tók umræðu
og fól framkvæmdastjóra að svara erindinu og hefja samtalið.

5. Uppfærð persónuverndarstefna til yfirferðar og undirritunar stjórnar
Frestað til næsta fundar.

6. Skipulagsbreyting
Framkvæmdastjóri fór yfir nýtt starfs sem hugur er að setja á, gagnasérfræðingur, sem hann hyggst
bjóða einum núverandi starfsmanni. Framkvæmdastjóri upplýsti um tengsl við starfsmanninn.
Framkvæmdastjóri leggur til að stjórnarformaður heyri í tveimur starfsmönnum til að fá annað álit.
Stjórn samþykkir það og mun framkvæmdastjóri heyra í viðkomandi starfsfólki vegna þessarar
breytingar.

7. Önnur mál.
Tekin var umræða um nýbyggingu. Framkvæmdastjóri óskar eftir umboði frá stjórn til að vinna málið
áfram með verkfræðistofu. Stjórn var sammála um að mikilvægt væri að þarfagreina verkefnið vel.
Stjórn fól framkvæmdastjóra að taka verkefnið áfram með verkfræðistofu, þarfagreina verkefnið og
ljúka kostnaðaráætlun.

Fleira var ekki tekið fyrir á fundinum og honum slitið kl. 18:21.
Næsti fundur er áætlaður þriðjudaginn 13. maí 2025.
Fundargerð samþykkt með rafrænni undirritun.